█▒◄كنــآ نبحـث عـن اقآلة سعدآن هآ قد استقآل فماذا بعد؟► █▒

كنتـم تحـوسو علـى اقآلة ســعدآن راه استــقآل مـآذا بعــد؟





ندخل مبآشرة للموضوع كنا نحوسو على اقآلة سعدان من تدريب المنتخب الجزائري ها راهو استقآل واش نزيـدو نحوسو؟

كنا لاكوب ديموند نحلمو بيها ، لاكوب دآفريك ومكنآش طآمعين حتى كي طلعنا وليتو تشكرو فيه وتمدحو فيه صح ولا راني

غالـط؟من بعد طـالبناه بلاكوب ديموند مسكيـن دار لي عليــه وتأهلنا لاكوب ديموند وليتو تشكـرو فيه وتمدحو فيه

صح ولا راني غــآلط منبعد طالبناه بالدور الثاني ودار لي عليه وحشم انجلترا وجعلها تلعب دفاعيا أكثر هجوميآ

وجعل حتى الأمرآء يصفقو للجزآئر ، رجع للجزائر للمرتبو أو للقيمة لي كانت فيها في الثمانينات

بعدما كانت تحتل المرتبة 113 مكاش ليكان يسمع بيها قع ، كنا كي نلعبو كانت المنصة الشرفية في الملعب

مكاش ليحضرلها لخطرش موالفين ب 3-0 ، منبعد كيشفتو بدينا نلعبو صح ونربحو صح الناس بدات تتفرج

والله نمشي معاكم كاين والله ميعرف بالون شاف المنتخب من المباراة نتاع مصر في جواب بدا يعرف بالون

وبدا ينآقش ويحلل ويقول لازم يدخل هذاك ويخرج هذاك كون تقولو بوست نتاع زياني ميعرفوش يشوف القميص

يقولك يلعب 15، انعلو بليس سعدان مشي ارواح وجا مدرب راه قرا عليها وووو وحنا قاعدين نخلطو برك

منبعد كي بدينا نخسرو بدا يقولو سعدان ميعرفش يدرب سعدان ضعيف تكتيكيا سعدان ضعيف الشخصية

وكاين لي بداو يطيحولو ..... إلخ الشيخ كبير وو على الأقل شوية احترام معاه .

تمــت اقــآلة سعدآن راه جا الجنــرآل بن شيخـة:




قبل ما ندخلو للموضوع نعلقو على هذي الصورة والله صورة متقدرش تعلـق عليها شوف شيخ كيما هذا يبكي ويسمع

التطياح والسب .... مكاش ليقالك متتنقدش انتقد بصح بدون تجريح ، دموعك غالية يالشيـخ

الأن ندخلو في الموضـوع راه استقآل سعدان وهز كواغطو وراهم جآبـو الجنـرآل بن شيـخة لتدريب

الفريق مؤقــتا يا ترى هل يستطيع فعل ما فعله سعدان من قبل؟ هل يستطيع التأقلم مع الفريق وبسرعة،

هل يستطيع أن يرضي الجمهور الجزائري بالفوز فقط ( هذي معروفة علينا أننا نحبو الفوز برك منحبوش الخسآرة)

نديــرو إلا قدر ربــي سبحآنو وخسـرنا كآش مبآراة يا هل ترى نطالبو بآقالة بن شيخة؟ من الممكن جدا

يحدث ذلك نوليو شعب حاب يربح برك جامي يخسر ، البرازيل وماصرالهاش هاك تخسـر بصح نورمال مع الجمهور

ونذكر أن بن شيخة مؤقتـا فقط ريثــما يجدون مدربـآ (لا يطلب المال الكثيـر) نشرحو هذي العبـآرة

دوك حابين يجبونا مدرب بصح مشكيش يكــون فوور لأنو معروف عليهم حابين يحوسو على مدربــين

ميطلبــوش نقود أكثر لأنو يقولك (الميزانية متكفيش هه ) والله كون يدو رأي معظم الشعـب يقـولك

(هيــرفي رونــآر) لأنه صرآحة المدرب الأنسـب الفريـق عـدنآ دي جوار صغار والله أعلم معدل السـن نتاع الفريق

26 قادر هيرفي يروح بعيد بزااف وقـآل خطرا أنو كون جا عندي فريـق كيما الجزائر كـون رانـي رحــت بعيد

وأنا (أعوذ بالله من كلمة انا) أشهد على ذلك مدرب لباس بيه ويخدم مع الفريق نورمال

وفي الأخير ان شاء الله نتأهلو لكأس افريقيا ونرحبو الكأس لملا واسمحولي خاوتي على الدارجة

وبالتوفيــق للمنتخب الجزآئري

ناقد الموضوع لكن بدون تجريــح لو سمحــت



بقلــم أخوكـم شعيب



وكلمة أقولها بآرك الله فيـك يا شيخـنآ